Арассыыйаҕа 1992 сыллаахха Үрдүкү Сэбиэт президиумугар “Аҕам саастаах дьон кыһалҕата” диэн уурааҕынан бу бырааһынньык тэриллибитэ. Бу ураты суолталаах күн биһиги аҕа саастаах кырдьаҕастарбытыгар дойдугут сайдыытыгар сүҥкэн кылааккыт, эстибэт эрчимҥит уонна бэриниилээх үлэҕит иһин истиҥник махтанабыт. Быракаан нэһилиэгэр аҕам саастаахтар күннэригэр анаммыт дьоро киэһэ буолан ааста.
Эдэр сааспыт ырыатын эйээриччи ыллыахха.
Дьоллоох дьоннор биһиги, дьоһун сааһы биллэхпит,
Олох дьолун үөрүүтүн, оҕуруолаан тистэхпит.
Элбэх хаары түһэрэн олох суолун тэллэхпит,
Оҕо – уруу төрөтөн,кынаттаан көтүттэхпит,
Дьиэҕэ бүгэн сыппакка көргө-нарга кыттыһыах,
Эдэр ,эрчим сааспытын эргитэммит үөрүөххэ.
Күлэ-үөрэ мичээрэн,сандал сааһы эргитиэх,
Үөрүү – көтүү аргыстаах олоруоҕуҥ дьоһуннук.
Чөмчүүнэ.
