Ньургуһун сибэккии күнүнэн! Тоҥ буору тобулан үүнэр Саха сирин маанылаах сибэккиитин күнэ.
Тоҥ хаары тумсунан тобулан,
Саҥа саас илдьитэ эргийдэ.
Күөх унаар күлүмэр көҕүтэн,
Ньургуһун ыһыахха ыҥырда.
Ньургуһун,ньургуһун,ньургуһун-
Мин ырыам кылбаарар кыната.
Ньургуһун, ньургуһун,ньургуһун –
Мин таайар тапталым ымыыта.
Уһугунна ньургуһун. Наталья Михалева – Сайа.
Уһугунна нарын иэйии,
Уһугунна нарын айыы,
Уһугунна ньургуһун,
Уһугунна күөх урсун…
Ыллыы илик ырыам дуу,
Ыраах – ыраах ырам дуу
Тыллан кэллэ сүрэхпэр,
Тырымнаата харахпар…
Таптал тылын таайтаран,
Санаа кыыма саҕыллан
Сардаҥарда сырдык мичээр,
Үөрдэ, күллэ тулам сэмээр…
Махтанабын кэрэ сааска,
Махтанабын эдэр сааска.
Ньургуһуннаах кырдалга,
Куруук үүнэр ырааска.
