Сахам дьахталлара.                       Чокуур сиэнэ.

Биһиэхэ, саха5а, элбэхтэр

Номоҕон, бэрт толуу хотуттар,

Көрөрдүүн ураты дьиктилэр,

Долгуһа хаамаллар алааспар.

Ханна да суох бу кэрэ мөссүөнү

Мин тайҕам кыһына айбыта, биир

Ыас хара бу күндү көрүҥү

Алааһым сааскыта сахпыта.

Күн уотун сырдыгын чаҕыла

Тэтэркэй имнэргэр саспыттар.

Халлаан күөх унаархай сарыалын

Хараҕыҥ уоттара саҕаллар.

Мин сахам дьахтарын туһунан

Эһиэхэ кэпсиэхпин туолуйдум,

Дьүһүнэ – бодото маанытын,

Таһаата талбатын хоһуйдум.

Судургу да буоллун таҥаһа,

Кэрэтин ончутун намтаппат,

Дириҥник анаарар ырааҕы,

Сүрэҕин санаатын алдьаппат…