Кулун тутар 10 күнүгэр эбэҥки норуотун поэта, худуоһунньук Дмитрий Нестерович Апросимов төрөөбүтэ 95 сылын туолар. Дмитрий Нестерович 1957с. Дьокуускайдааҕы художественнай училищены бүтэрэн баран Үөһээ Бүлүү улууһун Мэйик нэһилиэгэр бэтэринээр үөрэхтээх Мофронова Е.Ф кытта ыал буолан, оҕо – уруу төрөтөн Олохсуйан олорбута. Дмитрий Нестерович оскуолаҕа уруһуй учууталынан, кулууп сэбиэдиссэйинэн үлэлээбитэ. Мэйиккэ үлэлиир бириэмэтигэр “Коммунизм сардаҥата” хаһыакка хоһооннорун ыытан бэчээттэтэрэ. 1970 сыллаахха дойдутугар Эдьээҥҥэ көһөн баран олохсуйбуттара. Эбэҥки норуотун талааннаах суруйааччыта кылгас олоҕун устата айбыт номохторун, араас сылларга суруйталаабыт хоһооннорун түмэн бастакы улахан таһаарыы “Утум” кинигэҕэ хомуллан 1999с тахсыбыта.
