Аар тайҕа кистэлэҥэ. Саҥа суруйарга холонор эдэр “Айар” псевдонимнаах уол кэпсээнин сэргээн ааҕыҥ.
Былыыр -былыргыта, алдьархай диэн тыл соччо биллибэтэх, айылҕаҕа чугас олорор кэмҥэ үс атастыы булчут Мичил, Айаал уонна Ньукулай диэннэр күһүөрү муус тоҥорун кэмигэр, бэрэбинэ тыыларын батан, адьас ыраах, киьи атаҕа үктэммэтэх сиригэр аар тайҕаҕа бултуу киирбиттэр. Сэттис хонуктарыгар бэрт элбэх булка түбэһэн дуоһуйбут кэмнэригэр, соҕотохто халлаан ыгдаҥнаан, иччитэх тыал түһэн хараҥа эмискэччи сабардаабыт. Киэһэ буолуута бэйэлэрэ бултаан аҕалбыт тыа кыылларын этин буһаран чэй иһэ олорбуттар. Мичил эмискэ «Тыаҕа туох эрэ баар…», – диэн сибигинэйбит. Айааллаах Ньукулай сэрэхэдийэн, сааларын тутан таһырдьа тахсыбыттар. Дьэ онно көрбүттэрэ, кинилэр иннилэригэр киһи оҥорбутун курдук бэрт улахан, хара харахтаах мас идол курдук киһи мөссүөнэ турар эбит. Урут маннык бэлиэ суоҕа диэн куттаммыттар. Букатын даҕаны иччилээх сиргэ кэлбиппит быһыыта, – диэн, Мичил сүрэҕэ тахсыахтыы мөхсөрүн сэрэйдэ.
Сарсыарда туран, тахсан көрбүттэрэ ол бэлиэлэрэ суоҕа. Бары куттанан атын сиргэ бултуу көспүттэр. Өр бултаан Мичил уонна Ньукулай бултуйан үүтээннэригэр төннүбүттэр. Айаал соҕотоҕун хаалан сүтэн хаалбыт. «Айаал ханнаный?» – диэн Мичил ыйытта. Кэлиэҕэ, сүтэр – оһор киһи буолуо дуо – диэн Ньукулай эппиэттээбит. Үс күн ааста, Айаал биллибэтэ. Атастара кутталларыттан киһилэрин көрдүү барбыттар. Тайҕа ортотугар тиийбиттэрэ айаал сытар эбит. Хараҕа муҥутаан улааппыт, тыла – өһө буккуллубут, киһи сатаан өйдөөбөт тылларынан саҥарар. Дьоннорун көрөн өссө долгуйан сатаан саҥарар кыаҕыттан тахсан сыппыт. Хайдах манна кэлбиппин өйдөөбөппүн… туох эрэ хараҥа кэтээн көрөр курдуга- диэн, иһин түгэҕэр сибигинэйэн саҥа таһаарда. Мичиллээх Ньукулай киһилэрин сүгэн улахан ыарахаттары көрсөн дойдуларын диэки дьулуспуттар.
Айаал бэрт өр ыалдьан, ыраастанан баран син чөлүгэр түспүт. Ол эрээри ол түгэнтэн ыла кини хаһан да соҕотоҕун хараҥаҕа тахсыбат буолбут. Кини хараҕар ол мас идол киһи мөссүөнэ куруук көстөр буолбут.
Саҥа суруйарга холонор эдэр “Айар” псевдонимнаах уол кэпсээнин сэргээн ааҕыҥ.
