Алексеева Мария Герасимовна Быракаан нэһилиэгиттэн төрүттээх, биир дойдулаахпыт 7 оҕо күн – күбэй ийэтин сырдык аатыгар сүгүрүйэн, Мария Герасимовна улахан уола Николашкин Семен Викторович Космофизика уонна аэрономия институтун директорын солбуйааччы, физико – математическай наука кандидата, отутус Советскай Антарктическай экспедиция кыттыылааҕа Россиятааҕы Наука Академиятын Сибиирдээҕи отделениятын үтүөлээх ветерана, СӨ үөрэҕириитин туйгуна, Үөһээ Бүлүү, Хоро нэһилиэктэрин бочуоттаах олохтооҕо, кэргэнинээн Өлүөхүмэттэн төрүттээх Өлүөхүмэ улууһун бочуоттаах олохтооҕо Антонида Анатольевналыын Быракаан нэһилиэгин олохтоохторугар кэрэ бэлэх оҥордулар. Ол курдук 2019с. оҥоһуллубут “Ийэҕэ махтал” искибиэрбитигэр ийэлэрбит сырдык ааттарын сырдатар кинигэбитин кумааҕыга бэчээттээн, тиһэн, сиэдэрэйдик обложкалаан кэрэ бэлэх ууннулар. Ону таһынан 100 устуука үчүгэйкээн кинигэлэр бэчээттэнэн ийэлэрбит туһунан ахтыылар үйэтитилиннэ. Ахтыылары хомуйан бэчээккэ бэлэмнээтэ олохтоох библиотека сүрүн библиотекара Баянаева М.Н. Быракаан нэһилиэгин олохтоохторуттан Мария Грасимовна оҕолоругар,сиэннэригэр барҕа махталбытын тиэрдэбит!