Кулун тутар 30 күнүгэр Быракааннааҕы олохтоох библиотекаҕа “Николашкиннар, утум салҕанар” кинигэлэрин сүрэхтэниитэ буолла. Кинигэни ийэлэрэ Мария Герасимовна, аҕалара Виктор Гаврильевич төрөөбүттэрэ 100 сылыгар анаан уоллара Семен Викторович кэргэнинээн Антонида Анатольевналыын сүүрэн – көтөн таһаартарбыттар. Кинигэҕэ Үөһээ Бүлүү улууһун Хоро нэһилиэгин олохтоохторо, оҕолоро,аймахтара, доҕотторо, ыкса ыаллара суруйбут ахтыылара киирбиттэр. Остуол тула олорон дьоннорун тустарынан истиҥ – иһирэх ахтыы оҥордулар. Быракаан нэһилиэгин кырдьаҕаһа Яковлев Егор Герасимович Николашкиннар ийэлэрэ Быракаантан төрүттээҕин туһунан кылгас ахтыы оҥордо. Дьоһуннаах кинигэ тахсыбытынан эҕэрдэлээтэ.
