Семенова Варвара Ефимовна.
Биһиги ийэбит Семенова Варвара Ефимовна «Хочот» алааһыгар 1933с. Балаҕан ыйын 14 күнүгэр күн сирин көрбүтэ. Аҕата Семенов Ефим Николаевич, ийэтэ Семенова Мария Ивановна диэн этилэр. Бииргэ төрөөбүттэр иккиэлэр этэ. Эдьиийэ Варвара сэрии бириэмэтигэр Сангаарга үлэ фронугар ыҥырыллан барбыта. Онно таас чох хостооһунугар үлэлии сылдьан 1945с. шахта сууллан суорума суолламмыта. Ийэбит эбээбитинээн сэрии саҕана субай сүөһү көрүүтүгэр үлэлээбиттэр. Ол үлэлии сылдьан аҕабытын көрсөн ыал буолбуттара. Ийэбит тоҕус оҕону төрөтөн, иитэн атахпытыгар туруортаабыта. Ийэбит эдэр сааһыгар сүрдээх үлэһит туох да үлэттэн толлон турбат хоһуун үлэһит этэ. Сааһырыар диэри ыанньыксыттаабыта. Кэлин оскуолаҕа остуорастаан пенсияҕа тахсыбыта. Ийэбит куруук үөрэ – көтө сылдьара. Биһигини бэйдиэ мөхпөтө. Дьон киирдэҕинэ куруук итии үүттээх чэйдээх буолааччы. 1999с ыарахан ыарыыттан күн сириттэн барбыта. Кини олорбут олоҕун оҕолоро, сиэннэрэ салгыыбыт.
Ахтыыны суруйдулар оҕолоро.
