Саха АССР Киин Ситэриилээх Кэмитиэтин Президиумун мунньаҕын 7 нүөмэрдээх боротокуолунан 1935сыл Олунньу 10 күнүгэр Үөһээ Бүлүү туспа оройуон быһыытынан тэриллэн саҥа кэрдиис кэмҥэ үктэммитэ быйыл 91 сылын туолла. Үөһээ Бүлүү оройуона өрөспүүбүлүкэ кииниттэн 750 км ыраах сытар. Оройуон сирэ- уота 420 км усталаах, 110км туоралаах сиринэн тайыыр.
Үөһээ Бүлүүм – үрдүк үөрүүм.
Уйбаан Ороһуунускай.
Ыраах эрэ бардахха
Ымыы буолан кэлэҕин,
Саҥа хоһоон айдахха
Сибэтиэйдии тиллэҕин.
Ыра санаам, түүлбэр көрүүм,
Ырыа ыллыыр кэрэтиэн,
Үөһээ Бүлүүм – үрдүк үөрүүм,
Үчүгэйиэн эбитиэн!
Хотун Бүлүүм долгулдьуйан
Хааман иһэр мөссүөҥҥэр,
Хатыҥ чараҥ наскылдьыйан
Ханыылаһан көһүнн.
Айар үлэ алыптарын
Айыы кутум биэриэхтин,
Дойдум күннээх чаҕылларын
Долбор суола сирдээтин.
