Аан дойдутааҕы Аҕам саастаахтар күннэрэ.
ХНТ Генеральнай Ассамблеятын 45-с сессиятыгар норуоттар икки ардыларынааҕы ытык кырдьаҕастар күннэрин быһыытынан биллэриллэн 1991сыл Алтынньы 1 күнүттэн аҕам саастаах дьон күннэрин быһыытынан киэҥник бэлиэтэнэр. Бу бэлиэ күн чэрчитинэн Быракаан нэһилиэгин Аҕам саастаах олохтоохторугар аналлаах тэрээһиннэр буоллулар. Ол курдук 65 саастарын ааспыт дьоммутугар анаан «Подари радость»акция ыытан тэрилтэлэринэн сэмэй бэлэхтэрбитин туттардыбыт. 70 саастарын ааспыт дьоммутугар Төрүт култуура киинин уонна олохтоох библиотека библиотекара «Рука помощи» акция ыытан көмөлөстүбүт. Киэһээ өттүгэр Аҕам саастаахтарбытыгар аналлаах дьоро киэһэ буолла. Араас көрдөөх оонньуулары,күрэхтэһиилэри Төрүт култуурабыт үлэһиттэрэ ыытан аҕам саастаах дьоммут сынньанан,астынан тарҕастылар. Аҕам саастаах дьоммут өссө да уһуннук,дьоллоохтук олороргутугар баҕарабыт.
